2010年07月 － 甘肅考察之旅

2018年05月03日 － 2018乾旱春天的第一場雨

今個春天特別乾，往年春天雨濛濛濕笠笠必定經常開抽濕機，今年竟然只開過兩晚。雨水少到連水塘都乾塘。係物質充裕嘅香港生活係好容易忘記自己有幾幸福同幸運，已經忘記平時撥一撥水喉就有嘅水其實係幾珍貴，係地球上生物嘅起源。

幸運地今日終於有雨落，唔係毛毛雨，而係可以為酷熱33度降溫至22度嘅雨水。

另一方面今日有朋友問我點解唔開個blog從casual行山者角度分享自己平時行山嘅旅程，同時紀錄自己嘅足印。

其實一直都有用唔同嘅方法 facebook、instagram 記錄自己去過邊度郊遊，但就冇統一幫自己去過嘅地方認認真真做個記錄。呢幾日整合分類自己歷年影過嘅相，發現自己啲相真係好混亂。希望藉著呢個機會，可以有條理地記錄所有郊遊嘅經歷、大自然嘅美。

作為第一個post，我想分享一下自己第一次自願地出發嘅旅程


2010年07月 － 甘肅考察之旅

Year 1 暑假出發，數數下已經有8年前咁耐，記憶的確已經有啲模糊。開電腦睇返當年影嘅相，記憶漸漸返黎。

地點名稱：不詳

呢個世界係冇免費午餐。想欣賞壯觀嘅風景，必須經歷數千級樓梯，意志嘅磨練先可以到達。

途中經過一個個宏偉嘅大石峭壁，再到達令人讚嘆嘅 Glacial landform "Cirque" (Glacial erosion留下嘅一個積水湖) 都好值得。行樓梯覺得好辛苦嘅念頭會即時從腦海消失。 

到達個 Cirque 啦！


從書本跳出黎既U-shape glacial erosion




真正野生花


俯瞰冰川湖

呢度真係好壯觀


下一日繼續旅程－離開高山，擁抱綠油油大草原梯田

再下一日真正探訪冰川，由綠油油嘅草原變為碎石帶

終於上到4094m高，其實個冰川先剛剛開始，但由於我哋裝備唔係上冰，天氣亦都轉差，我哋就回頭落山。

再下一日就真正離開高山同陡峭嘅地形，前往丹霞地貌

係咪有啲似埃及獅身人面像

張掖丹霞國家地質公園 (如果冇錯)
我記得呢度壯觀嘅程度唔係文字可以形容得到，大家都知係嘩嘩聲咁欣賞。




呢一次旅程令我大開眼界，係咪真係响學術有深入交流，呢個就見仁見智。但係深深感染我對大自然嘅愛慕。
好幸運有一班好好玩嘅同學仔一齊，拎旅程錦上添花。