芝麻灣 - 刀刃海岸
2018年05月12日 星期六 - 烈日當空,微風
海岸綑邊 - 刀刃海岸(芝麻灣, 大嶼山)
【貝澳-十塱舊村-十塱水塘-龍尾-大浪灣-刀刃海岸-正生書院碼頭-芝麻灣郊遊徑-貝澳】
上年年尾膽粗粗第一次嘗試綑邊,雖然驚險但非常刺激極具挑戰。同行山旅伴們一試上癮。到今年五月,已經大大話話綑過6次邊。但因每個海岸地質,環境,地勢都不同,每一次嘅體驗都非常新鮮,有獨特嘅挑戰。正因為今次已經係第6次綑邊,開始有少少了解綑邊究竟係咩一回事,今次終於帶上我部相機希望可以拍下美景為旅程留下紀念。
大嶼山每一個角落都有美景係行山遊玩勝地,但唯一缺點(其實都算係優點)就係大嶼山離香港大部份地區好遠,對大部分人車程入東涌最少位一個鐘。是次刀刃海岸位於位於大嶼山芝麻灣南岸。對我哋呢啲非大嶼山居民最方便都係經東涌轉大嶼山巴士入貝澳再行入芝麻灣深處。芝麻灣固然之遠,早餐就梗係要比平時更加早食,為旅程留多啲 buffer 多啲時間睇風景唔使趕入黑前離開海岸。最後決定8點半食早餐,搭9點半巴士。
海岸綑邊 - 刀刃海岸(芝麻灣, 大嶼山)
【貝澳-十塱舊村-十塱水塘-龍尾-大浪灣-刀刃海岸-正生書院碼頭-芝麻灣郊遊徑-貝澳】
大嶼山每一個角落都有美景係行山遊玩勝地,但唯一缺點(其實都算係優點)就係大嶼山離香港大部份地區好遠,對大部分人車程入東涌最少位一個鐘。是次刀刃海岸位於位於大嶼山芝麻灣南岸。對我哋呢啲非大嶼山居民最方便都係經東涌轉大嶼山巴士入貝澳再行入芝麻灣深處。芝麻灣固然之遠,早餐就梗係要比平時更加早食,為旅程留多啲 buffer 多啲時間睇風景唔使趕入黑前離開海岸。最後決定8點半食早餐,搭9點半巴士。
到達貝澳,本身天文台預測當日多雲,朝早局部地區有雨。點知去到貝澳非常天晴,我哋亦都開始擔心帶唔夠水。好彩係貝澳新圍村有士多,即刻再買多支水。 |
貝澳沙灘隔離嘅靜灣,好優美。 |
途中遇到好肚餓嘅水牛,佢對腳好粗,對角好靚。我哋稱會為 Dyson v10 |
芝麻灣漁農署管理站日久失修, 似廢村多啲。可能想像會有人喺度返工。 |
十塱水塘啲水好清,可以見到幾條魚仔係到游水。 |
龍尾。其實會唔會有張相 show 返究竟個地形點樣似龍尾唔會好啲咩? |
大浪村-呢度真係好隔涉,無車路。居民只可以靠船或者行山路推車仔。 |
終於到達大浪灣沙灘,一個人都無。真正世外桃源。 |
無耐就見到有架遊艇飛埋嚟,以為佢會去碼頭,完來係開家庭船P |
如果 Picasso 畫桃,會唔會好似咁呢? |
一開始已經要攀爬 |
過咗舊石,前面啲人輕鬆繼續前行。 |
周圍都係好特別嘅食 Hello~ |
呢度啲石風化得好特別,好多唔多嘅 holes, shapes |
一層層嘅石,中間已經風化到形成咗一條天然隧道。 |
真係好壯觀 |
呢個海岸嘅石頭主要都好大舊。需要經常攀爬上落水大石/小壁。咁啱呢個位捕捉到你幾位友人。 |
落完又要上 |
選擇包羅萬有為呢個海岸嘅特質。每個一舊石都有好多唔同 options,特別考起我呢啲選擇困難症初級人士。 |
平台 |
嚟到唔係唔影吖嘛 |
貪玩嘅友人 |
好壯觀。用人做 scale 最適合。 |
回眸。呢個位置啲石一級一級好細小,好似 hobbits 嘅專用樓梯。 |
友人話似乳豬? |
但我就覺得呢舊有趣得多。 |
巨石上的兩口子。 |
遊樂場 |
遊樂場 close up 更加壯觀 |
背面好似魚鱗 |
比較特別嘅石頭 |
前方有鯊魚! 小心! |
太陽實在太猛烈,就快到中午,大家都好似頻頻搵陰位休息。 |
過咗第一個灣位,路程開始變得崎嶇,需要更加多攀爬。 |
石台下就係垂直嘅石壁。下方有友人嘗試越過石壁,結果回頭跟大隊。 |
肥豬石背面 - 係遠處我哋已經見到兩位釣魚發燒友係隔離舊石上面。聰明嘅佢哋梗係到中午就搭街渡去長洲。我哋就目擊佢哋上船同佢哋揮手,咁熱點解當時唔跟埋一齊走呢? |
上網睇返原來過咗肥豬石就先真正嘅刀刃海岸。呢度開始艱難,天然石級開始變得稀疏,換嚟一舊舊獨立嘅大石。呢個位係其中一個神秘位置,要穿過幾舊石先到達,但最後發現其實前方無路唔濕腳最後都係往返再行另一條 option。 |
好似炸雞髀,可能太肚餓啦! |
開始黃昏啦~ 好彩已經到咗尾聲 |
前面有一排石頭,好似迷你版12門徒石。配搭呢個光線,係特別靚。 呢度已經係最後,隔離已經到咗正生書院碼頭。 |
今次旅程都比所有人預期中艱難。
一:天氣好熱,比預期中曬,大家都帶唔夠水,只係啱啱好夠綑邊小心咁飲。
二:大石頭多,路線選擇多,體能,技巧要求高。
但亦都令到呢次旅程非常難忘,亦都幫大家增添經驗為下一個旅程作準備。
Comments
Post a Comment